Tanod niratrat sa Bgy. hall, utas

DEAD-ON-ARRIVAL sa ospital ang isang tanod makaraang pagbabarilin ng dalawang hindi pa nakiki­lalang lalaki sa Bgy. Bonuan Binloc, Dagupan City, Pan­gasinan.

Kinilala ang nasawi na si Gerry Bangsal, 49, may asawa, naninirahan sa na­banggit na lugar.

Ayon sa imbestigasyon, naka-duty ang biktima sa ta­lipapa sa harap ng barangay nang dumaan ang dalawang armado na lulan ng isang motorsiklo.

Pagtapat sa kinaroro­onan ng biktima, mabilis na bumunot ng baril ang ang­kas saka pinagbabaril ang biktima sa dibdib na sanhi ng pagkamatay nito.