‘Pag binitbit sa ICC | MAGWAWALA AKO! — DUTERTE

NAGBANTA si Pangu­long Rodrigo Duterte na magwawala siya sa Interna­tional Criminal Court (ICC) kapag pinilit siyang magtu­ngo sa Hague Tribunal para harapin ang mga kasong crimes against humanity.

Sa kanyang talumpati sa Philippine Business Confe­rence and Expo sa Manila Hotel, nagbabala si P-Du­terte na sasampalin niya ang mga judge at magwawala sa harap ng mga prosecutor sa The Hague.

“Do not drag me in ICC, you idiots. Who is the pro­secutor there? Who ap­pointed her? Even the chair­man of the ICC, ‘yung fiscal nila, let me ask you, what are you doing there? Are you elected there democra­tically? Pagdating ko diyan ay sampalin ko kayong mga judges at magwawala ako doon,” ani Duterte.

Nanindigan din ang pangulo na walang hurisdik­siyon ang ICC sa kanya.

Matatandaang, naka­paila­lim sa preliminary exa­mination sa ICC ang Chief Executive matapos mag­sampa ng reklamo ang abo­gadong si Atty. Jude Sabio noong May 2017 ng crimes against humanity laban kay Duterte dahil sa libu-libong namatay sa war on drugs cam­paign.

Nagdesisyon naman ang Pilipinas na kumalas sa Rome Statute, ang doku­men­tong binuo ng ICC noong Marso 2018.