Pulis binentahan, 7 huli sa shabu

PITO katao ang nasa­kote matapos magbenta ng shabu sa pulis sa buy-bust opera­tion sa magkakahiwa­lay na ba­rangay sa Caloocan City.

Ayon kay Caloocan Po­lice Station Drug Enforce­ment Unit Head PCI Rengie Deimos, alas-10:30 ng gabi nang isagawa nila ang buy-bust operation kontra sa umano’y tulak ng droga na sina Vergel Manansala, 33, tricycle driver at Manuelito Ledesma, 51, beautician sa Bgy. 168.

Matapos iabot ng mga sus­pek ang isang plastic sachet ng shabu na nagkaka­halaga sa P200 sa underco­ver police na nagpanggap na poseur-buyer ay agad ina­resto ang mga ito.

Narekober sa mga ito ang dalawang plastic sachets ng hinihinalang shabu, isang cal. 9mm pistol na may magazine at kargado ng 8 bala at buy-bust money habang inaresto rin ang ina ni Manansala na si Maria Elena, 53, dahil sa paglabag sa obstruction of justice matapos pigilan ang pag-aresto sa kanyang anak.

Sa Bgy. 170, unang na­sakote rin ng mga operatiba ang tatlong hinihinalang drug pushers na sina Sixto Bau­tista, 55, Christian Jarigal, 31, at Nicomedes Rodel Rosa­les, 45, matapos magbenta ng isang plastic sachet ng shabu na nagkakahalagang P200 sa pulis na nagpanggap na poseur-buyer sa buy-bust operation, alas-12:55 ng ha­tinggabi.

Nakuha sa mga suspek ang buy-bust money at da­lawang plastic sachets ng shabu na narekober kay Rosales habang dinampot din ng mga operatiba ang umano’y drug user na si Allan Labsan, 39, driver ma­tapos mahulihan ng isang plastic sachet ng shabu.