2019 midterm elections, babaha ng datung!
TALIWAS sa unang ulat, pagka-senador ang takbo ni Atty. Harry Roque, Jr.
Free-for-all na talaga!
◘◘◘
TINANGKA raw patayin ang isang kandidatong gobernador sa Bicol.
Ayun, na-media siya!
◘◘◘
MAINIT ang laban sa pagka-gobernador sa Cavite.
Hindi sana dumanak ang dugo!
◘◘◘
MASAYA rin ang mayoralty race Maynila.
Babaha ng datung!
◘◘◘
IMBES senador, mayor ang tatakbuhin ni Inday Sara.
Eh, bakit?
◘◘◘
HINDI nagkasundo ang PDP-Laban at Hugpong ng Pagbabago.
Hintayin nating murahin sila ni P-Digong.
◘◘◘
KINAKASUHAN ng murder ang prinsipe ng Saudi Arabia.
Gusto nilang gumuho ang kaharian.
◘◘◘
IBUBUNYAG sa buwang ito ng joint venture ng ‘Pinas at China sa oil exploration sa Spratlys Island.
Walang kokontra!
◘◘◘
GINAWANG plataporma ni Mayor Christian Natividad ang pagkontra sa modernong airport na magpapalubog sa malaking bahagi ng Bulacan.
Klap! Klap! Klap!
◘◘◘
DUMARAMI na ang namumulat sa panganib ng pagtatambak sa ekta-ektaryang dating palaisdaan sa Obando, Meycauayan, Bulacan, Malolos, Paombong at Hagonoy.
Kapag tinambakan ng lampas-tao ang mga palaisdaan, lulubog ang tatlong “national highways” na bumabagtas sa Bulacan.
Ito ay ang old M.H. del Pilar national road mula Malolos hanggang Obando; MacArthur Highway mula Calumpit hanggang Valenzuela City at NLEX mula Pulilan hanggang Balintawak.
◘◘◘
HINDI sapat ang P1bilyong budget ng SMC sa sinasabing “water basin” na gagawin.
Hindi epektibo kahit dambuhalang kanal sa paglubog ng kapatagang-bayan sa Bulacan.
Pangako ‘yan!
◘◘◘
MALAKING isyu sa eleksiyon sa Bulacan ang modernong airport na magpapalubog sa mga ari-arian ng milyun milyong taga-Bulacan.
Imbes na umunlad, magdarahop ang mamamayan ng Bulacan sapagkat lulubog ang kanilang ari-ariang lupa, bahay at kultura.
Comments