Pinasok sa bahay, ginapos, binusalan | 55-ANYOS NA GURO NIREYP, KINATAY

ISANG Grade 3 teacher ang natagpuang patay sa loob mismo ng kanyang ti­nutuluyang apartment sa Passi City, Iloilo.

Nakahandusay sa sahig at duguan nang madatnan ang 55-anyos na biktimang si Ma. Corazon Tionson.

Sa naisumiteng report kay Police Supt. Arturo Ful­lero, nadiskubre ang biktima na nakagapos ang mga ka­may, may busal ang bibig at hubo’t hubad.

Lumalabas sa pagsusuri na maraming saksak sa iba’t ibang bahagi ng katawan at basag ang ulo ng biktima na umano’y mula sa paulit-ulit na pukpok ng matigas na bagay.

Posible rin umanong gi­nahasa ang biktima. Nakilala naman ng pulisya ang sus­pek sa karumal-dumal na kri­men na si June Aguilar al­yas Winwin, isang ex-convict.

Matapos ang krimen, ti­nangay umano ng suspek ang pera, alahas at cellphone ng biktima.