MAYWEATHER, PUMATOL SA PAGHAMON NI NURMAGOMEDOV

PUMATOL si US box­ing champion Floyd May­­weather sa panawagan at paghamon ni UFC fighter Khabib Nurmagomedov na magsagupa sila.

Agaran ding nanawa­gan sa kanyang social me­dia account si May­weather sa boxing promo­tions na ikasa na ang ka­nilang bakbakan.

Si UFC fighter Conor McGregor ang huling na­kasagupa at tinalo ni May­weather noong Agos­to 2017. Nag-request pa si Mayweather sa kanyang post kung paano dudu­mu­gin ng fans ang laban nila sa Las Vegas.

Matatandaan namang nagkagulo sa laban nina Khabib at McGregor sa UFC 229 noong nagda­ang Linggo kung saan ni­lusob ng tropa ni Khabib si Conor sa ibabaw ng ring.

Dahil dito ay nanawa­gan si Mayweather na dapat parusahan ang na­sabing Russian fighter. Sa kabila nito ay hinamon ni Khabib si Mayweather na sila na lamang ang su­sunod na maglaban dahil pareho silang undefea­ted, kung saan si May­weather ay may 50 panalo at wa­lang talo habang si Nur­magomedov ay may 27 wins. (MC)