Inipit sa CP | HAYSKUL TIKLO SA DRUGS

ARESTADO ang 18-anyos na estudyante maka­raang mahulihan ng iligal na droga sa Marikina City.

Sa ulat na nakarating sa tanggapan ni EPD Director, Chief Supt. Bernabe Balba, tinukoy ang suspek na Grade 8 sa Jesus dela Peña Natio­nal High School sa Bgy. Je­sus dela Peña.

Nakatanggap ang pu­lisya ng tawag mula sa na­sabing paaralan kaugnay sa estudyante na nahulihan ng isang pakete ng marijuana na inipit sa cellphone nito at dala sa loob ng silid-aralan.

Nauna rito, sinita umano ang estudyante dahil sa da­lang cellphone na ipinagba­bawal sa loob ng paaralan.

Gayunman, nang siya­satin, napansing makapal ito kung saan nakita ang tuyong dahon ng marijuana.