CSB BLAZERS AT MU CARDINALS, GANADO MAN WALA NA SA F4
- BULGAR
- Oct 17, 2018
- 1 min read
GANADONG naglaro ang College of Saint Benilde at Mapua University kahit laglag na sila sa Final Four ng 94th NCAA basketball tournament.
Ipinakita ng Blazers ang kanilang tikas upang payukuin ang Jose Rizal University, 84-68 sa unang laro habang kinalos ng Cardinals ang Arellano University, 91-78 sa pangalawang sultada. Nakatambay sa fifth place ang Blazers kapit ang 9-8 karta habang 6-12 ang record ng Cardinals kaya hindi na sila makakahirit ng laro sa susunod na phase.
Nagpakitang-gilas para sa Saint Benilde si Yankie Haruna na nagtala ng game-high 18 points habang bumakas si Clement Leutcheu ng 17 markers at 19 rebounds.
“We’re able to pick it up in the second half. I’ve been telling them that whatever happens this season, we should end up with a win,” saad ni CSB head coach TY Tang. Swak sa semifinals ang defending champion San Beda University, (15-1), Lyceum of the Philippines, (15-1), Letran, (13-4) at host Perpetual Help, (11-5). (ATD)
Mga Laro Bukas: (FilOil Flying V Center)
2:00 p.m. LPU vs San Beda (jrs); 4:00 p.m. - LPU vs San Beda (srs)
Standings W L : *SBU 15 1 *LPU 15 2 *CSJL 13 4 *UPHSD 11 6 CSB 9 8 MU 6 12 AU 5 12 SSC-R 5 12 EAC 4 14 JRU 3 15
Comments