Search
  • BULGAR

Iba’t ibang gimik sa FB, Twitter at IG, makapambola lang ng mga botante | Pangangampanya sa social m

RYAN B. SISON / BOSES

HINDI na masyadong uso ang da­ting nakaugaliang pangangampanya kung saan pahirapan kung magpakilala sa mga ka-barangay para ikaw ang iboto nila.

Sa ngayon kasi, bidang-bida na ang social media dahil sa makabagong tek­nolohiya kaya kahit ang pangangam­panya, rito na idinaraan dahil epektibo talaga.

Kaya lang kung minsan, may hindi magandang epekto ang paggamit ng social media na maaari rin nating ikon­sidera, lalo na sa seryosong usapin tulad ng eleksiyon at kampanya.

Gayunman, ayon sa Commission on Elections (Comelec), hindi kasama ang social media sa mga ipagbabawal nila sa pangangampanya ng mga kandi­dato para sa May 2019 elections kung saan ayon kay Comelec Spokesperson James Jimenez, bilang instrumento ng paglalahad ng personal na saloobin ang social media, ito pa rin ay protektado ng Konstitusyon.

Pero, kung hindi man ito maipagba­bawal, hiling natin na sana ay magsa­gawa na lang ng guidelines upang ma­limitahan din ang pagpo-post ng bawat partidong mangangampanya lalo na ‘yung mga binabayarang tao para la­mang makapanira ng iba, dapat ma­huli rin sila!

Samantala, kung gagastos man sa mga bagay na ipino-post sa social me­dia, dapat lang na isama ito sa isu­sumiteng Statement of Contribution and Expenditure o SOCE ng mga kan­didato pagkatapos ng halalan.

At bilang mamamayan, maging matalino tayo sa pagpili ng mga kan­didatong ating ikakampanya at ibo­boto, piliin ‘yung alam nating may magagawa sa Senado!

Huwag din tayong maging abusado, kung ano lang ang dapat i-post, ‘yun ang gawin nang sa gayun ay magka­roon tayo ng matalino at patas na pagboto.

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.