Hirit ni Digong | ‘DI AKO TAKOT MAMATAY

IGINIIT ni Pangulong Rodrigo Duterte na hindi siya natatakot mamatay sa gitna ng mga espekulasyon kaug­nay sa kanyang kalusugan.

Sinabi ni P-Duterte na gi­nagawang isyu lamang ang kalusugan ng isang tao lalo na kapag matanda na kaya sinasabing mamamatay na umano siya.

“When you’re getting old, me, they say I’m dying. Of course, I will die some­day. Walang problema iyan,” ani P-Duterte.

Inihayag pa ng Punong Ehekutibo na hindi dapat pangambahan ang pagka­matay ng isang tao dahil hin­di naman ito mapipigilan at maaari itong mangyari kahit anong oras.

Una nang ibinunyag na sumailalim sa endoscopy si P-Duterte makaraang may makitang ‘growth’ sa kan­yang digestive tract kung saan batay sa resulta ng diag­nostic test, negatibo siya sa kanser.