Dapat gawin para makaiwas sa Hepa B

SHANE M. LUDOVICE, M.D / SABI NI DOC

Dear Doc. Shane,

Ako ay may Hepatitis B, subalit, hindi ko ito ipinaalam sa asawa ko kasi baka pag-isipan niya ako ng masama. Posible ko ba siyang mahawahan nito at may gamot ba rito? — Michael

Sagot

Ang Hepatitis B ay virus kung saan ang tinatamaan ay ang ating atay. Makikita ang virus sa dugo, laway, semilya at regla ng taong may Hepatitis B at kadalasan ito ay panghabambuhay.

Nakukuha ang Hepatitis B sa tatlong pagkakataon:

• Pagpasa ng nanay sa anak

• Pakikipagtalik

• Nasalinan ng dugo na may Hepatitis B

Mga dapat gawin upang makaiwas sa pagkakaroon ng Hepatitis B:

• Iwasan ang labis na pag-inom ng alak

• Huwag basta iinom ng mga gamot o herbal supplements

• Ugaliing magkaroon ng healthy at clean living

• Matulog ng 7-8 oras

• Mag-ehersisyo 3-5 beses sa isang linggo

• Huwag gumamit ng anumang kagamitan ng iba

• Siguraduhing protektado ang inyong partner sa Hepatitis B

Mayroong mga gamot para sa Hepatitis B tulad ng interferon at lamivudine ngunit, depende ito sa examination ng dugo. Gayunman, mahalagang kumonsulta muna sa doktor upang maresetahan ng tamang gamot.