NIGERIAN AKHUETIE, UNA SA MVP RACE PARA SA MAROONS

MATAPOS ang unang round ng UAAP Season 81 Men’s Basketball Tou-rnament, nangingibabaw para sa Most Valuable Player race ang Nigerian student-athlete at trans­feree center ng University of the Philippines na si Bright Akhuetie.

Base sa inilabas na statistics, nakapagtala ang dating 2-time NCAA Seniors Basketball My­thical Team member ng 77.0 statistical points (SPs) pagkaraan ng pi­tong laro kung saan siya nagtala ng kabuuang 110 puntos, 110 rebounds, 25 assists, 6 steals, at 5 blocks.

Sumusunod naman sa kanya ang ace gunner ng University of the East na si Alvin Pasaol na may natipong 71.57 SPs.

Sa pagtatapos ng first round, si Pasaol ang iti­nanghal na league’s lea­ding scorer sa itinala ni­tong average na 23.71 puntos.

Pumapangatlo sa ka­nila si Ateneo big man rookie Angelo Kouame na may 68.43 SPs, mula sa kanyang average na 12.0 puntos, 12.43 re­bounds, at 3.86 blocks per game.

Kabilang sa pumasok sa top 5 sina La Salle big man Justine Baltazar (64.57) at UP guard Juan Gomez de Liano (60.57).

Sa laban naman para sa Rookie of the Year, na­mumuno si CJ Cansi­no ng University of San­to Tomas na may 57.43 SPs habang malayong naka­sunod sa kanya si Dave Ildefonso ng Na­tional University na may 48.86 SPs. (VA)