2 bangka lumubog, 8 dedo

ni Ejeerah Miralles (OJT) | March 14, 2023

USA — Nasa 8 katao ang patay matapos bumaliktad ang 2 bangkang pangisda na umano’y klarong migrant smuggling operation sa San Diego, California.

Mabilis na nagsagawa ng search and rescue ang San Diego Emergency Crew matapos makatanggap ng tawag sa 911 hotline mula sa isang Spanish-speaking sa baybayin ng Black Beach.

Ayon kay Diego Fire-Rescue Lifeguard Division Chief James Gartland, nadatnan nilang nakataob ang 2 bangkang pangisda at natagpuan ang 8 bangkay sa dagat at sa baybayin.

Hindi pa tukoy ng awtoridad ang nationality ng mga biktima ngunit kinumpirma na lahat ay pawang nasa hustong gulang.

Dagdag pa ni Eric Lavergne, Special Operations Supervisor ng U.S. Border Patrol sa San Diego, isa ito sa halos ilang daang kaso ng smuggling event ng mga migrante upang makatawid lamang sa border ng US.