17-anyos, pinagpupukpok sa mukha ng ex-BF, patay
- BULGAR
- Oct 8, 2020
- 1 min read
ni Thea Janica Teh | October 8, 2020
Hindi na makilala ang isang 17-anyos na babae sa Santa Lucia, Ilocos Sur matapos itong paghahampasin ng bato sa mukha.
Natagpuan ang biktima sa sapa sa Barangay San Pedro nitong Huwebes.
Nakita sa crime scene ang isang kuwintas na naiwan ng suspek at napag-alamang
pagmamay-ari ng dati nitong nobyo na kinilalang si Linio Valdez.
Hindi na ito pumalag nang puntahan ng awtoridad at inilahad kung paano sila nagkita ng biktima.
Kuwento ng suspek, nagkita umano sila sa sapa para mag-usap ngunit humantong ito sa
pagtatalo. Hindi na umano nakontrol ang galit at napatay nito ang dating nobya.
Sa ngayon ay nahaharap ang suspek sa kasong murder.
Comments