12 yrs. ‘di nagpagalaw kay EA hanggang ikasal… SHAIRA, TINAWAG NA QUEEN OF VIRGINS

ni Beth Gelena @Bulgary | August 22, 2025

Photo: Shaira Diaz - IG

Bilib ang mga netizens sa love story nina Shaira Diaz at Edgar Allan “EA” Guzman. Imagine, 12 long years ang kanilang relasyon, pero napanindigan nila na igalang ang isa’t isa.

Kaya naman, tinawag ng mga netizens na ‘Queen of Virgin’ si Shaira dahil never ito umanong nagpagalaw sa kanyang longtime boyfriend hanggang sa sila ay ikasal last August 14.

Ayon kay EA, naging role model umano sila sa ilang kabataan dahil sa nagawa nila ni Shaira na hindi galawin ang isa’t isa sa tagal ng relasyon nila.

“Hindi naman namin ito inilalabas, pero si Shaira po ay still (a virgin), kaya ko s’ya lalong minamahal. Wala na akong mahahanap na ganu’n. 

“Ang lagi kong naririnig sa kanya ay gusto niyang i-save (ang virginity), kaya after marriage. So para sa akin, wow!” ani EA.

Kadiri raw… “PAHUBAD OOTD” NI CARLOS SA KASAL, NILAIT NG MGA NETIZENS

Pinakasalan na ni Carlos Agassi ang kasosyo niya sa negosyo na si Sarina Yamamoto pagkatapos ng pitong taon.

Sa Instagram (IG) account ng aktor, aniya, “I never imagined myself being so emotional in my life, tears of joy as I married my soulmate, bestfriend & partner for life. Jokes aside, mas marami pa akong iyak kesa kay Misis. LOL (laugh out loud).”

Aniya pa sa latest post, “7 years stronger together forever. Marriage is forever so only get married when you are 101% sure. Mahiya ka naman kay Lord, sa sarili mo, sa asawa mo. You have a choice, choose forever happily ever after putting God above or else.”

Komento ng mga netizens…

“In fairness! Nilaro pa rin nila ‘yung kasal nila sa outfit but I love it. Sobrang uso!”

“Congrats! Pero kadiri ‘yung 3rd pic, ‘di na nakaka-yummy.”

Ang tinutukoy ng nag-comment ay ang wedding photo nina Carlos at Sarina kung saan kitang-kita ang mabuhok na dibdib at abs ng aktor sa kanyang suot.

“Ba’t parang nag-iba mukha ni Kuya Carlos?”

“Bakit naman ganyan suot mo, Carlos? Kailangan ba talaga, kita dibdib? Like kadiri mga hairs sa dibdib.”

“‘Di man lang inayos ang pagkaka-edit. ‘Kaloka! Hahaha!”

“Proud siya lagi sa abs n’yang tuyot na? Anyway, congrats, akala ko matagal nang kasal kasi Agassi na ang last name ng partner n’ya.”

“Ang tacky lang nu’ng pahubad effect.”

“Over naman sa filter, pero I love their wedding outfit! (Except sa pahubad ni guy). Lalo na sa bride, ang unique ng wedding dress. It’s really them. Hahaha! Ang cute.”

“Ang ganda ng wedding dress, I like the style.”

Nakakaloka naman ang isang commenter na ang sabi, “Wala pa man pero alam mo na agad kung ano’ng ending ng marriage nila.”

Ganern?!