12-anyos, namaril sa iskul, 1 patay

ni Eli San Miguel - Trainee @News | April 3, 2024

Arestado ang isang 12-anyos na suspek sa pamamaril sa isang paaralan sa Finland, kung saan isang 12-anyos din ang namatay at dalawa ang malubhang nasaktan.

Ayon sa mga otoridad, tinangka ng suspek na tumakas ngunit nahuli rin agad ng pulisya.

Nangyari ang insidente sa paaralan ng Viertola sa Vantaa, bandang alas-9 ng umaga noong Martes.

Lisensyado sa isang kamag-anak ng suspek ang baril na ginamit.

Sa ngayon, hindi pa alam ng pulisya ang motibo sa likod ng pamamaril. Nahaharap naman ang suspek sa mga kaso ng 'murder' at 'attempted murder.'