US Ambassador Sung Kim, ginawaran ng Order of Sikatuna

ni Lolet Abania | September 8, 2020

Ginawaran ni Pangulong Rodrigo Duterte ngayong araw si US Ambassador Sung Y. Kim ng Order of Sikatuna matapos na magpaalam mula sa apat na taong paglilingkod nito bilang ambassador ng Pilipinas sa Amerika.

Pinuri ni Pangulong Duterte si Ambassador Kim sa naibahaging kontribusyon nito upang mapatibay ang samahan ng United States at Pilipinas. Sa iginawad na Order of Sikatuna sa ambassador, kabilang dito ang rank na Datu (Grand Cross) at Gold Distinction.

Gayundin, sa apat na taong pagseserbisyo ni Ambassador Kim, nagmarka nang husto sa relasyon ng dalawang bansa ang historic return ng Balangiga Bells sa Diocese ng Borongan, Eastern Samar noong Disyembre 2018.

Pinasalamatan naman ni Kim ang Pangulo sa mga nagdaang bilateral engagements ng dalawang bansa.

Tiniyak rin ng papaalis na diplomat na mananatili ang dedikasyon ng Amerika at lalo pang palalakasin ang relasyon nito sa Pilipinas.