ni Ronalyn Seminiano Reonico | July 6, 2020
Usung-uso ngayong quarantine ang pagluluto ng iba’t ibang pagkain katulad ng mga pastries at hindi nagpapauli ang sikat na sikat na ube cheese pandesal kaya ‘wag nang magpahuli, mga mamsh dahil masusubukan n’yo na rin ito sa inyong tahanan!
Ito ang mga kakailanganin sa paggawa ng ube cheese pandesal ayon sa Pagkaing Pinoy TV: 1 cup fresh milk warm, 2 tsp. dry yeast, 2 cups plain flour, 1 cup bread flour, 1/2 cup white sugar, 1/2 cup vegetable oil, 1 tsp salt, 1 tsp. vanilla essence, 1 tsp. purple yam flavor, 1/2 cup ube powder, 1 block cheddar cheese cut into cubes, at 1/2 cup bread crumbs.
Instructions sa paggawa ng ube cheese pandesal: sa maliit na bowl o cup, paghaluin ang warm milk at 1 tbsp. sugar. Haluin hanggang ma-dissolved. Ilagay ang dry yeast at maghintay ng 5-10 mins. hanggang maging foamy. I-mix thoroughly ang flour, bread flour, asin at white sugar sa isang large bowl at ihalo ang yeast mixture, cooking oil, vanilla essence at ube flavor. Maaari ring gumamit ng ube halaya. I-mix ang dough hanggang sa maaari na itong masahin. I-knead ito ng 8 mins..
Ilagay ang dough sa greased bowl at takpan ng tea towel sa loob ng 1 ½ oras. Maaari rin namang i-pre-heat ito sa oven sa loob ng 10 mins. in 100°C.
Maaari nang iporma at dough at hiwain sa 20-25 piraso. I-flat ito at lagyang ng cheese filling, i-seal at ikorteng bilog. I-arrange ang dough at takpan ng tea towel sa loob ng 30 mins o isang oras. I-pre-heat ang oven sa 180°C. Ilagay ang dough sa bread crumbs at i-bake sa loob ng 10-15 mins. hanggang sa maging lightly brown at maaari nang i-enjoy ang ube cheese pandesal!