Swimmers, gymnasts, cyclists at tracksters handa na sa YOG

by Elyssa Nichole @Sports News | October 30, 2026

Photo: Dumating na sa Dakar ang unang batch ng mga atletang sasalang sa Youth Olympic Games. (pocmedia) 

Dumating ang unang pangkat ng mga atleta ng Team Philippines sa Istanbul, Turkey matapos ang 13-oras na biyahe mula sa Maynila para sa pagsabak sa Dakar 4th Youth Olympic Games.

Ang mga swimmers na sina Jamesray Michael Ajido at Riannah Chantelle Coleman, mga coaches na sina Jensen Halili at Ramil Ilustre, at ang wushu artist na si Angel Polo at ang Chinese coach na si Li Jianfang ay walong oras  bumiyahe pa- Dakar. 

Susunod doon ang Pangulo ng Philippine Olympic Committee na si Abraham Tolentino, ang kalihim-heneral na si Atty. Wharton Chan, at ang chef de mission na si Rocky Samson at mula sa YOG Athletes Village ay sasalubungin nila ang iba pang atleta at coaches.

Sina Ajido at Coleman ang flag-bearers ng Team Philippines sa Opening Ceremony sa Sabado at magsisimula sila nang maaga para sa heats sa Linggo.

Magtutungo na rin sa Dakar sa Istanbul sa Sabado ang mga atleta ng gymnastics na sina Hillarion Palles III at Tchelcy Mei Maayo at mga coaches na sina Reyland Capellan at Kazutaka Hakamada at sa Nob. 4, ang simula ng kampanya  nina Maritanya Krog ng cycling at coaches na sina Mark John Lexer Galedo at Marita Lucas, maging sina Pi Wangkay at Naomi Cesar ng athletics at coach na si Jasper Tanhueco.

.