SLEx hanggang NLEx, 20 minuto na lang sa Skyway 3
- BULGAR
- Oct 14, 2020
- 2 min read
ni Lolet Abania | October 14, 2020
Natapos nang mas maaga ang isinasagawang Metro Manila Skyway Stage 3 na isa sa mga proyekto ng pamahalaan, ayon sa Department of Public Works and Highways (DPWH).
Sa Facebook post ni DPWH Sec. Mark Villar, masayang ibinalita nito na madaling natapos ang konstruksiyon ng nasabing skyway project kaysa inaasahang petsa na October 31 na isinagawa ng kumpanyang San Miguel Corp. (SMC) sa kabila ng pandemya ng COVID-19.
"Skyway Stage 3 is one of 23 projects under the EDSA Decongestion Program — is completed ahead of schedule. President Rodrigo Duterte fulfills promise to cut travel time from Makati to QC to only 15 to 20 minutes," sabi ni Villar.
Sa isang pahayag naman ni SMC president at COO Ramon Ang, ang kabuuang 17.93-kilometrong proyekto ay mag-uugnay sa Southern at Northern Luzon.
"I’m happy to announce that the whole structure of Skyway 3 is now complete. With this, Skyway 2 in Buendia is now officially extended all the way to the North Luzon Expressway,” sabi ni Ang.
“After many challenges this project faced in previous years, the dream of connecting north and south and providing an alternative to EDSA is now a reality.” Sa pagkakaroon ng Skyway Stage 3, ang biyahe mula SLEx patungong NLEx ay tatagal na lamang ng 20 minuto mula sa dating tatlong oras nito, ayon sa SMC.
Gayundin, mula Magallanes hanggang Balintawak ay magiging 15 minuto na lang ang biyahe. Kaya ring bagtasin mula Balintawak hanggang Ninoy Aquino International Airport (NAIA) nang 15 minuto at kapag galing sa Valenzuela papuntang Makati, magiging 10 minuto na lang ang biyahe.
Gayunman, ayon kay Ang, hindi pa maaaring buksan sa publiko ang expressway dahil sa mga kailangang ayusin na naantala sanhi ng mga pag-ulan. “We’re very excited to open Skyway 3 to the public.
We just have to wait for the weather to improve so we can make sure that the asphalt will cure properly. That and a few more finishing touches are all that’s needed, and then we can open soon,” sabi pa ni Ang.
Comments