ni Jasmin Joy Evangelista | December 5, 2021
Agad na lumikas ang mga residente malapit sa Semeru volcano sa Indonesia matapos nitong pumutok at magbuga ng usok at abo nitong Sabado.
Ang pagputok ay sinabayan pa ng pag-ulan na lalong nagtulak sa lava at debris na siya namang pinagmulan ng makapal na putik na sumira sa isang tulay na nagdudugtong sa main villages ng Pronojiwo at Candipuro.
“Thick columns of ash have turned several villages to darkness,” ani Lumajang district head Thoriqul Haq.
Sa ngayon ay patuloy ang paglikas at pagtatayo ng mga evacuation tents para sa mga mamamayan na apektado ng nasabing insidente.
Wala namang naitalang pinsala sa mga bahay at gusali at walang nasawi sa pag-aalburuto ng bulkan.