ni Rey Joble @Sports News | September 18, 2024
Wala man ang ilang mga premyadong guwardiya gaya nina Rey Nambatac, Kim Aurin at Almond Vosotros, wala namang naging problema para sa TNT sa pagkurba ng 84-82 panalo kontra Magnolia sa PBA Governors’ Cup sa Ninoy Aquino Stadium nitong Martes ng gabi.
Naging sentro ng laban ang bakbakan ng mga dating NBA veterans na sina Rondae Hollis-Jefferson ng TNT at Shabazz Muhammad, ang bagong import ng Hotshots.
Tumapos ng mga solidong numero na 29 puntos, 25 rebounds at apat na blocks si Hollis-Jefferson para giyahan ang Tropang Giga sa kanilang ika-pitong panalo sa walong laro at solidong mahawakan ang solo liderato.
May 30 puntos at 17 rebounds naman si Muhammad, pero mas nanaig ang determinasyon ng kampo ng Tropang Giga kahit pa may iniindang injury ang ilan sa mga key players nito gaya nina Nambatac, Aurin at Vosotros.
“May shoulder injury si Rey nung last game namin kaya hindi ko na ginamit nung bandnag huli nung last game namin, but he’ll be back in our next game,” ang sabi ni TNT coach Chot Reyes.
“We knew that we would struggle offensively because we don’t have two of our best outside shooters – Rey Nambatac and Kim Aurin. Last time we played, Rey hit some very crucial outside shots in the endgame. That was a challenge for us in the absence of our two top gunners. The other challenge is their motor, their energy, their physicality and that’s going to be very important in the playoffs.”
Sa pagkawala ng kanilang mga pangunahing sandata sa pagpukol sa labas, kailangang kumayod ng husto nina Roger Pogoy, Calvin Oftana and even Jayson Castro had to step up.
May 19 puntos na naitala si Pogoy habang 10 puntos at siyam na rebounds naman ang naiambag ni Oftana.
Siyam na puntos at pitong assists naman ang kontribusyon ng beteranong si Castro para mapanatili ang balanseng opensiba ng Tropang Giga.
Comments