ni Angela Fernando - Trainee @News | November 30, 2023
Excited na ibinahagi ni Rhian Ramos ang kanyang "ngiting tagumpay" nang makauwi na si Michelle Dee mula sa El Salvador.
Nag-flex nga ang aktres sa kanyang Instagram ng mga larawan nila ni Michelle na magkasama sa airport nu'ng nagdaang Sabado.
Ang caption ni Rhian sa kanyang post ay, "Ngiting tagumpay. [mga emoji] Honey, you're home. [emoji]"
Hindi naman nagpahuli si Michelle at agad na nag-comment ng, "HONEY, I'M HOME."
Matatandaang kamakailan lang ay naglolokohan ang dalawa na palaging uuwian ng Pinay beauty queen ang aktres kahit pa ma-link ito sa maraming babae.
Kinatuwaan naman ng fans ang interaksyon at kulitan ng dalawa at inulan ng suporta at asaran ang comment section ng post ni Rhian.
Comments