‘Pinas at China, ceasefire sa South China Sea

ni Ronalyn Seminiano Reonico | September 12, 2020

Napagkasunduan ng defense leaders ng Pilipinas at China na magkaroon ng kapayapaan sa South China Sea, ayon sa Department of National Defense.

Nagkita sina Defense Secretary Delfin Lorenzana at Wei Fenghe ng China nitong Biyernes, September 11, sa Camp Aguinaldo upang pag-usapan umano ang ilang isyung may kinalaman sa “defense relations” ng dalawang bansa. Napag-usapan din umano na iwasan ang pagkakaroon ng alitan at panatilihin ang kapayapaan sa South China Sea.

Nangako rin umano ang pamahalaan ng China ng P1 billion halaga ng mga donasyon para sa disaster response equipment at humanitarian assistance.

Samantala, sinamahan ni Sec. Lorenzana si Wei upang personal na makipagkita kay P-Duterte sa Palasyo. Ngunit hindi pa inilalabas ng Malacañang ang detalye sa napag-usapan nina P-Duterte at Wei.