Pfizer COVID-19 vaccine ligtas nang gamitin sa mga batang edad 5-11

ni Jasmin Joy Evangelista | September 21, 2021

Inanunsiyo ng Pfizer and BioNTech nitong Lunes na ligtas gamitin ang kanilang COVID-19 vaccine sa mga edad 5 hangang 11.

Dagdag pa nila, ito ay ‘well tolerated’ at nag-produce ng ‘robust’ inmune response sa mga bata.

Ito ay base aniya sa isinagawang medical trial ng kumpanya.

"In participants five to 11 years of age, the vaccine was safe, well tolerated and showed robust neutralizing antibody responses," ani US giant Pfizer at German partner sa isang joint statement.

Plano nilang isumite ang kanilang mga datos sa mga regulatory body sa Europian union, United States, at sa buong mundo, as soon as possible.

"We are eager to extend the protection afforded by the vaccine to this younger population," ani Pfizer CEO Albert Bourla.

Ang trial ay kinabibilangan ng 2,268 na mga may edad 5-11 na gumamit ng dalawang dose regimen ng bakuna na itinurok na may 21 araw na pagitan.

Ginamit nila dito ang 10-microgram dose o mas maliit ng 30 microgram dose na ginagamit sa mga may edad 12 pataas.

Pareho rin daw ang side effects na naramdaman sa mga may edad 16 pataas ang naranasan ng nasabing sumali sa clinical trial.

Plano ng kumpanya na ipasa sa US Food and Drug Administration ang kanilang clinical studies para sa emergency use authorization.