P20K multa sa magulang... 17-anyos pababa, bawal sa socmed

ni Mylene Alfonso @News | October 9, 2026

Photo: File

Inaprubahan ng Senado sa ikatlo at huling pagbasa ang Senate Bill No. 2424 o SMART KIDS Act, na naglalayong ipagbawal ang paggamit at pagkakaroon ng social media accounts ng mga wala pang 18 taong gulang.

Sa botong 16-1-0, tanging si Senadora Risa Hontiveros ang tumutol sa panukalang ini-sponsor ni Senador Robinhood Padilla.

Kapag naging batas, maaaring pagmultahin ng P5 milyon hanggang P20 milyon bawat paglabag ang mga high-risk digital service na hindi susunod sa regulasyon, habang P5,000 hanggang P20,000 o community service naman ang posibleng parusa sa mga magulang o guardian na lalabag.

Hindi sakop ng panukala ang email, private messaging, ilang online games, educational platforms, news websites at professional collaboration services.