P124.5 milyong ipinababalik sa senador, inungkat… BELA, PINATUTSADAHAN SI SEN. BONG

ni Beth Gelena - @Bulgary Files | August 4, 2020

Simple lang ang reaksiyon ni Bela Padilla sa pagsusulong ni Senator Bong Revilla, Jr. sa pamimigay ng pamahalaan ng face mask sa publiko.

Walang diretsong sinabi ang actress, kundi ang post lang niya sa socmed ay "P124.5 M can buy 1,245,000 face masks. #justsaying" kasabay ng pagbahagi ng isang link ng write-up tungkol sa pagsulong ng senador na mamigay ng libreng face mask at face shield ang pamahalaan.

Ang P124.5 M ay ang isyung kinasasangkutan ng senador na ipinababalik ng Ombudsman.

May mga nag-react sa patutsada ng actress. Sey ng ilang netizens…

“TRUE. Dapat ibalik n'ya 'yung kinurakot n'ya at gamitin pangsustento para sa covid-19 nang hindi ang mamamayan ang kumakalbaryo sa mga inuutang n'yo na napupunta lang sa bulsa ng mga kurakot na pulitiko.”

“Witty Bela. Napaisip ako ru'n.”

“Yes! Hanggang 'di n'ya ibinabalik, lahat ng kuda niya, 'yan ang sagot natin!”

Tanong lang po. Hindi ba’t kaya na-acquit at napawalang-sala na ang senador ay dahil napatunayan niya sa hukuman na walang basehan ang kasong inaakusa sa kanya?

Hindi pa rin kaya naniniwala ru'n si Bela Padilla para magpatutsada nang ganu'n kay Sen. Bong?