P-Duterte: Makabayan at Bayan, front ng komunista

ni Ronalyn Seminiano Reonico | December 1, 2020

Hindi pinalagpas ni Pangulong Rodrigo Duterte ang isyu ng red-tagging sa kanyang public speech ngayong Lunes. Saad ni P-Duterte, “Let’s start with the… unahin ko na ‘to, ha. Itong mga legal fronts ng komunista, lahat ‘yan… Makabayan, Bayan, they are all legal fronts. Gabriela… hindi ‘yan sila… we are not red-tagging you. We are identifying you as members in a grand conspiracy comprising all the legal fronts they have organized headed by NDF at Communist Party of the Philippines."

Aniya, “Ilang tao na galing doon sa inyong camp at openly have attacked you, not only criticized for your share brutally in this communal war. Communal war ito, there is no longer any ideology. Wala itong mga komunista, wala nang ideyolohiya, gusto lang nila umagaw ng gobyerno. Mga bobo naman ang put*ng in*.

“Sino ang mga bright, si (Jose Maria) Sison? ‘Yan ‘yung bright, si Sison? Susmaryosep! “Iharap mo si Sison sa akin, magdebate kami. “Ano’ng nakuha mo riyan sa ideology na communism?”

Saad pa ng Pangulo, “You are accusing the… red-tagging you. No, the Armed Forces of the Philippines is very correct. You are being identified as the members of the communists para alam namin. ‘Yun ang totoo, hindi red-tagging. ‘Yang si Zarate, si Casi… lahat kayo. Kita mo? Puro abogado ng… susmaryosep.”

Aniya, “Alam mo, sabihin ko, nangailangan ka ng pera. That’s the only reason. Komunista ka to defend an oligarch. Hindi ka naman suma cum laude, pareho naman tayong pumasa ng bar. Kung magsalita ka, you make it appear that you are milking the government.”

Binanatan din ni P-Duterte si Bayan Muna Rep. Carlos Zarate. Aniya, “Alam mo sa totoo, Zarate, ‘pag nakikita kita sa TV, para akong nakakita ng tae ng aso. Totoo lang.” Samantala, minsan nang pinabulaanan ni Zarate ang pagiging miyembro umano ng CPP.

Aniya sa hearing ng Senate Committee on National Defense, "Tahasan kong sinasabi sa komiteng ito, Mr. Chair, na hindi ako miyembro ng Communist Party of the Philippines o CPP. Hindi ako rebelde at hindi ako miyembro ng National Democratic Front of the Philippines. "Tahasan ko ring pinasisinungalingan na ang aking partido, ang Bayan Muna, ay creation at kontrolado ng Communist Party of the Philippines.”