Natapilok, tanda na makakapag-asawa ng babaeng wa' alam sa gawaing bahay

ni Estrellia de Luna @Panaginip gabay ng buhay | October 17, 2023

Analisahin natin ang panaginip na ipinadala ni Deogracias ng Pampanga.

Dear Maestra,

Isa akong millenial pero naniniwala ako sa kahulugan ng panaginip na binabasa n'yo. Kaya, naisipan ko ring magpaanalisa.

Napanaginipan ko na may natanggap akong sulat na may mamanahin akong malaking halaga galing sa yumao kong tita.

Nagmamadali akong magsapatos para pumunta sa probinsya ng tita ko. Sa pagmamadali ko ay natapilok at nasugatan ang paa ko.

Ano ang ibig sabihin ng panaginip ko?

Naghihintay,

Deogracias

Sa iyo, Deogracias,

Ang ibig sabihin na may natanggap kang sulat ay makakatanggap ka ng hindi inaasahang balita mula sa kaibigan mo. Ang may mamanahin kang malaking halaga galing sa yumao mong tita, ay nangangahulugang hindi ito totoo, wala kang mamanahin galing sa kanya at kathang isip mo lang iyon.

Samantala, ang nagmamadali kang magsapatos para pumunta sa probinsya ng tita mo, natapilok at nasugatan ang iyong paa, ay nagpapahiwatig na makakapag-asawa ka ng babaeng nabibilang sa mahirap na angkan, at hindi rin siya maaasahan sa mga gawaing bahay.

Matapat na sumasaiyo,

Maestra Estrellia de Luna