Napolcom Commissioner, na-cite in contempt ng quad-comm

Ni Angela Fernando @News | September 27, 2024

Photo: National News Agency

Na-cite in contempt si National Police Commission (Napolcom) Commissioner at dating Davao Region CIDG Chief Edilberto Leonardo nitong Biyernes matapos na magsinungaling kadikit ng imbestigasyon sa mga extrajudicial killings sa war on drugs ng administrasyong Duterte.

Mananatili si Leonardo sa kustodiya ng House of Representatives (HOR) hanggang matapos ng pinagsamang komite ang kanilang ulat.

Ito ay nag-ugat matapos tanungin ni ABANG LINGKOD Party List Rep. Joseph Stephen Paduano si Leonardo tungkol sa kanyang diumano'y pagpupulong kasama sina dating CIDG officer Royina Garma at Davao Prison and Penal Farm warden Senior Superintendent Gerardo Padilla, bago ang pagpatay sa tatlong Chinese drug lords sa loob ng Davao Prison nu'ng Agosto 2016.

Kinumpirma nina Garma at Padilla ang nasabing pagpupulong, ngunit paulit-ulit itong itinanggi ni Leonardo sa harap ng quad-committee.