Nagselos ang dyowa dahil binigyan ng alahas ng ex-gf

ni Estrellia de Luna - @Panaginip gabay ng buhay | March 7, 2022

Analisahin natin ang panaginip na ipinadala ni William ng Bacoor, Cavite.

Dear Maestra,

Nasisiyahan akong basahin ang column n’yo tungkol sa panaginip, kaya gusto ko ring magpaanalisa sa inyo ng panaginip ko.

Napanaginipan ko na nagselos ang dyowa ko dahil nakita niya na binigyan ako ng mga alahas ng dati kong girlfriend. Tinanggap ko ang mga alahas at binilang ko kung ilan ang mga ito.

Naghihintay,

William

Sa iyo, William,

Ang ibig sabihin ng panaginip mo na nagselos ang girlfriend mo dahil tinanggap mo ang nga alahas na bigay ng iyong ex-girlfriend ay pahiwatig na magkakaroon kayo ng hindi pagkakaunawaan. Gayunman, magiging mabuti ang resulta nito sa bandang huli.

Samantala, ang sabi mo ay isa-isa mong binilang ang mga alahas na ibinigay, ito naman ay nangangahulugan na paparating na ang suwerte sa buhay mo. Kayo ng girlfriend mo ay magkakaanak ng matatalino at malulusog na bata. Yayaman ka rin at magiging masaya ka sa napili mong trabaho.

Matapat na sumasaiyo,

Maestra Estrellia de Luna