Most wanted na rapist arestado

@Balitang Probinsiya | March 13, 2023

BATANGAS—Isang most wanted na rapist ang naaresto mga tauhan ng pulisya kamakalawa sa kanyang hideout sa Caloocan, Balayan sa lalawigang ito.

Kinilala ng pulisya ang suspek na si Apolinario Pilit, 52, at pansamantalang nakatira sa nabanggit na bayan.

Napag-alaman na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa lalawigan.

Ayon sa ulat, may nagbigay impormasyon sa pinagtataguan ng rapist kaya agad rumesponde ang pulisya at dinakip ang suspek sa nasabing lugar.

Hindi naman nanlaban ang suspek at ngayon ay nakapiit na siya sa detention cell ng himpilan ng pulisya.