Mikee Cojuangco-Jaworski, inihalal na IOC Executive Board

ni Lolet Abania | July 18, 2020

Si Mikee Cojuangco-Jaworski, ang naihalal na International Olympic Committee (IOC) Executive Board, pinakamataas na posisyon sa international sports governing organization.

Representante ng Pilipinas si Cojuangco-Jaworski sa IOC at ang tulad niyang equestrian na si Gerardo Werthein ng Argentina na naihalal na board sa ginanap na 136th IOC session, ang kauna-unahang virtual session, kahapon.

Isang 2002 Busan Asian Games gold medalist si Cojuangco-Jaworski, at siya ring kauna-unahang babaeng Asian na maglilingkod sa IOC.

Bilang executive board, gagampanan niya, “assumes the general overall responsibility for the administration of the IOC and monitors compliance with the Olympic Charter.”

Binubuo ito ng presidente, apat na vice-presidents at 10 ibang executive members. Si Thomas Bach mula sa Germany ang kasalukuyang pangulo ng IOC.

Magsisimula ang five-year term ni Jaworski, sa panahon kung saan ang pandemya ng covid-19 ang nagpahinto sa international sports community at puwersahang i-postpone ang Tokyo Olympics, sa susunod na taon.

Sa panahon ng pagiging equestrienne, nagkamit si Jaworski ng gold medal sa 2005 Southeast Asian Games na ginanap sa ating bansa. Naging champion din siya sa 2011 International Equestrian Federation World Dressage Challenge.

Gayundin, ang 46-gulang na si Jaworski ay anak ng dating Philippine Olympic Committee President Jose “Peping” Cojuangco, Jr., na naglingkod din sa iba’t ibang administrative capacities sa Equestrian Association of the Philippines.

Noong 2013, naging representative din ng bansa si Jaworski sa IOC. Siya ang kasalukuyang chairman ng Commission for Olympic Education, habang acting bilang miyembro ng Olympic Channel Commission, Future Host Summer Commission para sa 2032 Olympics at ang 2021 Tokyo and 2024 Paris Olympics ng coordinating committees.