Kahit sino pa raw ang maapektuhan… MGA NAHALAL NA PULITIKO, KINALAMPAG NI SEN. ROBIN SA CLIMATE CHANGE
- BULGAR
- Jul 27
- 3 min read
ni Mercy Lejarde @Showbiz Talkies | July 27, 2025
Photo: Robin Padilla - FB
Sa Facebook (FB) page post ng senador at aktor na si Robin Padilla ay ibinahagi niya ang kanyang saloobin ukol sa krisis ng pagbabago ng klima.
Saad ni Sen. Robin, “National and local elected leaders must convene as soon as possible to address the climate change crisis that the country is and will be confronting over the next 100 years.
“Urban and rural planning must be revisited and enacted, regardless of whatever, wherever, or whoever will be affected, directly or indirectly.
“The ultimate sacrifice of land, property, wealth, and comfort is now on the table.”
Salamat sa malasakit, Sen. Robin.
Well, sana nga ay magtulung-tulong ang mga nahalal na pinuno ng bansa at hindi pansariling interes lang ang unahin.
Pak, ganern!
‘Yun lang and I thank you.
Hindi man nanalo ang aktor at TV host ng Rainbow Rumble (RR) na si Luis Manzano bilang Batangas vice-governor ay nagpatuloy pa rin ito sa pagmamalasakit sa mga Batangueño lalo na noong panahon ng bagyo.
Sabi nga ni Luis, “Patuloy ang ating pagbisita sa ating mga kababayang Batangueño na kasalukuyang namamalagi sa mga evacuation centers sa bayan ng Talisay at lungsod ng Santo Tomas.
“Nakakataba ng puso na sa kabila ng unos ay sinalubong n’yo pa rin kami ng ngiti at pagmamahal (smiling hearts emojis).
“Dasal namin ang inyong kaligtasan at pagbuti ng panahon sa mga susunod na araw. We love you and God bless po sa inyo (praying hands & red heart emoji).”
Marami ang napasaya at nagpasalamat kay Luis sa pagbibigay niya ng tulong sa mga nasalanta ng bagyo.
Sey ng mga netizens, “Wow, Idol Luis! Hometown ko, Poblacion San Luis, Batangas. Thank you sa pagbisita at pagtulong mo sa mga kababayan ko sa San Luis. I’m now living in Rome. Thank you for the love, Luis Manzano and Gov. Vilma Santos.”
“Salamat sa mga panahong kailangan na kailangan ng tulong ninyo, hindi po kayo nagsasawang tumulong, umulan man o umaraw.”
“Sir Luis, maraming salamat po sa pagbisita sa mga naapektuhan ng bagyo. Ingat po kayo.”
Bongga ka d’yan, Luis! Kahit hindi ka nanalo bilang vice-governor ay patuloy pa rin ang paggawa mo ng kabutihan sa mga Batangueño.
Good job, Lucky! Boom na boom ka d’yan!
SA Instagram (IG) post ng aktres at singer na si Zsa Zsa Padilla ay nagbahagi siya ng larawan ng puntod ni Comedy King Dolphy (RIP) na nagdiwang ng kanyang ika-97 kaarawan sa Kingdom of Heaven noong July 25, 2025.
Mensahe ni Zsa Zsa, “Happy birthday in paradise, Lovey! We miss your laughter, your kindness, and the joy you brought into our lives.
Nakakatuwang isipin na kahit 13 taon nang namayapa si Mang Dolphy ay hindi pa rin nakakalimutang batiin at dalhan ng bulaklak ni Zsa Zsa ang dati niyang karelasyon.
Maraming netizens ang pinusuan ang post ni Zsa Zsa at may mga nagkomento pa, isa na rito ang anak ni Mang Dolphy na si Eric Quizon.
Saad ni Eric sa comment section, “As usual! Rain or shine, you are there with the flowers and the cleaning! We love you, Zsa! Thank you!”
Samantala, sa social media post din ni Eric Quizon ay nagbigay siya ng birthday tribute para sa kanyang ama.
Aniya, “Happy Birthday, Dad! (Dolphy) Thank you for being my dad. Cheers in heaven! My Dad. Love you always.”
Rest in peace, Mang Dolphy, and happy birthday in heaven.
Comments