Mga Chinese, katuwang sa pagbangon, Gong Xi Fa Cai!

ni Nancy Binay @Be Nice Tayo | January 22, 2023

Isang magandang balita na maituturing ang sinabi ng Department of Health (DOH) na “plateauing” o hindi masyadong nagbabago ang bilang ng COVID-19 cases sa bansa.

Ngunit nakababahala naman sa isang banda na 27% lang ng eligible population (21.2 milyong Pilipino) ang “boosted” o nakatanggap na ng COVID-19 vaccine booster shot, ayon sa huling tala ng DOH.

Mukhang kailangang alamin ng ahensya ang mga dahilan kung bakit mabagal ang pagbabakuna ng booster shot sa buong bansa, at gumawa ng mga hakbang base sa resulta ng pag-iimbestiga.

Sayang naman kasi ang ginastos ng pamahalaan at mga donasyon ng iba’t ibang international bodies kung hindi ito magagamit at mag-e-expire na lang.

Baka mawalan din ng gana ang mga nag-donate kung ganito nga ang mangyayari sa kanilang mga donasyon, lalo na at nar’yan pa rin ang banta ng iba’t ibang variants at subvariants ng COVID-19.

Ngayong gumagawa ng paraan ang pamahalaan upang makakuha ng bivalent COVID-19 vaccines, o ‘yung second generation vaccine na may component na pananggalang laban sa Omicron variant, ay huwag naman sana nating aksayahin ang limitadong suplay ng bakuna.

Nananawagan din tayo sa pamahalaan na bilisan ang pagkuha ng bivalent vaccines, upang mas magkaroon ng proteksyon ang ating mga kababayan laban sa COVID-19.

☻☻☻

Kasunod ng mga matagumpay na selebrasyon ng Sinulog at Ati-atihan ay muli ring nagbabalik ang Dinagyang Festival ng Iloilo.

Pagkakataon naman ng ating mga kababayan sa Iloilo na itampok ang kanilang debosyon at pananalig sa Santo Niño Hesus.

Lalong makatutulong sa ating tourism and hospitality industry ang matagumpay na pagdaraos ng mga festival, lalo na at naghahanda ang ating bansa para sa “summer” o “dry” season na peak season ng turismo.

Hala Bira Iloilo!

☻☻☻

Nais ko ring bumati ng isang Happy Chinese New Year sa ating lahat, lalo na sa ating mga kapatid na Chinese-Filipinos. Nawa’y patuloy po sana kayong maging katuwang ng ating bayan para sa ating sama-samang pagbangon.

Gong Xi Fa Cai!

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBin