Mga binagyo, ‘wag pahirapan sa ayuda

by Info @Editorial | July 13, 2026

Hindi maaaring mabagal ang pamahalaan sa paghahatid ng ayuda sa mga pamilyang sinalanta ng habagat at Bagyong Inday. Marami ang nawalan ng tahanan, kabuhayan, pagkain at malinis na tubig. Sa ganitong kalagayan, bawat oras ng pagkaantala ay dagdag na paghihirap.

Dapat tiyakin ng mga ahensya at lokal na pamahalaan na agad na maipamahagi ang pagkain, gamot, damit at tulong-pinansyal. 

Iwasan ang mabagal na proseso, sobrang papeles at lalo na ang pamumulitika sa relief operations.

Ang ayuda ay hindi pabor mula sa mga opisyal. Karapatan ito ng mga mamamayang nangangailangan at tungkulin ito ng pamahalaan. 

Kumilos nang mabilis, maayos at patas—ngayon, hindi bukas.