Meralco, magbabawas ng singil ngayong Hulyo

ni Lolet Abania | July 11, 2020

Nagbawas ang Manila Electric Co. (Meralco), pinakamalaking power distributor sa bansa, ng electricity rate ng P0.0286 per kilowatt-hour (kWh) nitong July dahil sa lower demand sa gitna ng general community quarantine (GCQ) at modified general quarantine (MGCQ) sa kanilang mga franchise area.

Umabot ang rate reduction sa kabuuang electricity rate na P8.6966/kWh mula sa P8.7252/kWh noong June.

Sa adjustment na ito, may pagbabawas na humigit-kumulang na P6.00 sa total bill ng residential customers na kumukonsumo ng 200kWh.

Iniuugnay din ng Meralco ang power rate reduction sa pagbaba ng generation charge.

Idiniin ng power distributor, na ang kabuuang rate decrease para sa generation charge ay bumaba ng mahigit sa P1.00 per kWh magmula pa noong umpisa ng taon.

“This month’s overall rate is significantly lower than that of July 2019, which was P9.9850 per kWh,” ayon sa Meralco.

“This month’s overall rate is also the lowest since September 2017.”

Mula P4.3413/kWh noong June, ang generation charge ay nagbawas ng P0.0069/kWh kaya P4.3344/kWh ngayong July.

“Because of the reduction in power demand in its service area during the Modified Enhanced Community Quarantine (MECQ) and General Community Quarantine (GCQ), MERALCO continued to invoke the Force Majeure (FM) provision in some of its Power Supply Agreements (PSAs), reducing the generation cost that would have been charged by suppliers,” sabi ng Meralco.

Ayon pa sa kumpanya, ngayong buwan, ang FM ay may kabuuang halaga na P265 million, katumbas sa customers savings na P0.0877/kWh sa generation charge.

“This represents avoided charges from the temporary suspension of mid-merit supply contracts recently approved by the Energy Regulatory Commission (ERC),” pahayag ng kumpanya.

“Without the FM claims, the total rate would have increased by P0.0717 per kWh from last month’s rate. For the past 4 months, the savings from FM claims totalled around P1.85 billion.”