Magnitude 7.4, yumanig sa Southern Mexico

ni Thea Janica Teh | June 24, 2020

Isang Magnitude 7.4 na lindol ang yumanig sa Pacific Coast ng Southern Mexico noong June 23, 2020. Lima ang nakumpirmang nasawi at nag-iwan ng bitak sa mga isolated village at building na halos daang milya ang layo.

Sinabi ng US Geological Survey na ang epicenter ng lindol ay nasa 69 km (43 miles) northeast ng Pochutla. Lubos nitong naramdaman ang pagyanig dahil 26 km lamang ang lalim mula sa earth’s surface.

Ang mga nasawi ay malapit sa Oaxaca na isang mountainous state na kilala sa kape, mescal at Spanish colonial architecture. Nasira rin ng lindol ang clinic at lumang simabahan sa hill village na malapit sa epicenter.

Inabisuhan din ang mga residente na malapit sa Pacific Coast at ang National Oceanic and Atmospheric Administration na may posibildad na magkaroon ng tsunami hanggang South America, ngunit sinabi rin kalaunan na wala ng panganib.