Search
  • BULGAR

Lumang jeep, posible pa ring makabiyahe — Palasyo

ni Mylene Alfonso | June 23, 2020



Posibleng makabiyahe pa rin ang mga tradisyunal na public utility jeepneys sakaling hindi sumapat sa mga mananakay ang iba't ibang uri ng transportasyon.

Sa gitna na rin ito ng pangamba ng mga jeepney operators at drivers na hindi na sila makabalik sa lansangan.

“Sila ‘yung nasa baba ng hierarchy, kinakailangan natin masigurado na hindi sapat ang mga bus, ang mga modern jeepneys at ang mga UV express,” sabi ni Presidential Spokesman Harry Roque sa online briefing sa Palasyo.

"’Pag ‘di po sapat ‘yan, kasama d’yan ang mga taxi at TNVS [transport network vehicle services], eh, baka pupuwede naman silang payagan. Ang basehan ng desisyon ng ating gobyerno ay ‘yung mananakay, kung talagang meron silang masasakyan," ayon kay Roque.

Habang nakabalik na kahapon sa kanilang operasyon ang 300 modern jeepneys na may 15 ruta para sa second phase naman ng Department of Transportation.

Dagdag ni Roque, sakaling payagan naman na makabiyahe ang mga provincial buses ay posibleng ipatupad ito sa mga nasa ilalim ng modified general community quarantine.



Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2020 bulgaronline

Sison's Publishing House, Inc.