Kasalan, pahiwatig ng nakasakay sa puting kabayo

ni Estrellia de Luna - @Panaginip gabay ng buhay | October 13, 2022

Analisahin natin ang panaginip na ipinadala ni Robert ng Malabon City.

Dear Maestra,

Napanaginipan ko na nakasakay ako sa puting kabayo, tapos enjoy na enjoy ako sa pagpapatakbo nito. Pabilis nang pabilis ang takbo ng kabayo, tapos bigla akong nahulog.

Ano ang ibig sabihin ng panaginip ko?

Naghihintay,

Robert

Sa iyo, Robert,

Ang ibig sabihin ng nakasakay ka sa puting kabayo at enjoy na enjoy ka sa pagpapatakbo nito ay malapit ka nang ikasal sa karelasyon mo. Ang bigla kang nahulog dahil mabilis ang takbo ng kabayo ay nangangahulugan na makakaranas ka ng hindi kanais-nais na mga pangyayari. Magkakaproblema ka sa mga taong nakapaligid sa iyo.

Samantala, mabuti na lang, puting kabayo ang napanaginipan mo dahil kung itim na kabayo ito, hindi maganda ang kahulugan nito — maaaring masangkot ka sa gulo at hahantong ito sa demandahan.

Matapat na sumasaiyo,

Maestra Estrellia de Luna