Kahulugan ng naligo at naglaba sa malabong ilog

ni Estrellia de Luna - @Panaginip gabay ng buhay | October 2, 2022

Analisahin natin ang panaginip na ipinadala ni Rudy ng Masbate.

Dear Maestra,

Nais kong malaman ang kahulugan ng panaginip ko na naliligo ako sa ilog. Malabo at hindi gaanong malinis ang tubig sa ilog, pero naligo pa rin ako. Tapos nilabhan ko ‘yung damit ko. Nakita ako ng pinsan ko habang naglalaba, tapos hinubad niya ‘yung t-shirt niya at pinalabhan din sa akin.

Ano ang ibig sabihin ng panaginip ko?

Naghihintay,

Rudy

Sa iyo, Rudy,

Ang ibig sabihin ng naliligo ka sa ilog kahit malabo ang tubig ay labis kang nag-aalala sa kasalukuyan mong problema na malapit nang magkaroon ng kalutasan.

Samantala, ang nilabhan mo ang iyong damit sa ilog, gayundin ang damit ng pinsan mo ay nangangahulugan na ikaw ay mananatiling tumutulong sa problema ng iba kahit ikaw ay may sarili ring mga problema. Sacrificing for others — ‘yan ang magiging buhay mo sa darating na mga araw.

Matapat na sumasaiyo,

Maestra Estrellia de Luna