ni Estrellia de Luna @Panaginip gabay ng buhay | August 8, 2023
Analisahin natin ang panaginip na ipinadala ni Joseph ng Malolos.
Dear Maestra,
Napanaginipan ko na sunud-sunod ang calamities sa amin at nitong huli ay bumaha na.
Lumusong ako sa baha at may paru-parong akong nakita na lumipad malapit sa akin, at umikut-ikot ito.
Ano ang ibig sabihin ng panaginip ko?
Naghihintay,
Joseph
Sa iyo, Joseph,
Ang ibig sabihin ng panaginip mo na sunud-sunod ang kalamidad sa lugar n’yo, ay mapo-promote sa trabaho ang isa sa mga kaibigan mo. Sunud-sunod din ang magagandang bagay na magaganap sa buhay niya. Susuwertehin din siya sa negosyong binabalak niyang umpisahan.
Ang lumusong ka sa baha, ay nangangahulugang ang personal mong buhay ay magiging maayos at punung-puno ng pagpapala.
Samantala, ang paru-parong nakita mong lumilipad na lumapit sa iyo, at umikut-ikot, ay senyales ng kaligayahan. Magiging masaya ang buhay mo sa susunod na mga araw, matatapos na ang mga kalungkutang dinanas mo.
Matapat na sumasaiyo,
Maestra Estrellia de Luna