Kahulugan ng fountain

ni Estrellia de Luna - @Panaginip gabay ng buhay | March 2, 2022

Analisahin natin ang panaginip na ipinadala ni Gloria ng Pasig.

Dear Maestra,

Napanaginipan ko na pumunta ako sa park, tapos may fountain du’n at napakaganda ng tubig na nanggagaling sa fountain. Ang sarap ng pakiramdam ko habang pinanonood ang tubig mula sa fountain at maya-maya, dumating ang mga kaibigan ko, tapos pinanood din nila ang tubig sa fountain. Nagkatuwaan kami at masayang nagkuwentuhan habang nakatingin sa fountain.

Ano ang ibig sabihin ng panaginip ko?

Naghihintay,

Gloria

Sa iyo, Gloria,

Napakaganda ng ibig sabihin ng panaginip mo dahil ito ay nagpapahiwatig na may mamanahin kang malaking halaga mula sa kaanak mong yumao na. Kumbaga, kasali ka sa will and testament niya.

Samantala, ang mga kaibigan mo naman na dumating sa lugar kung saan pinanonood mo ang fountain, gayundin, masaya kayong nagkuwentuhan habang pinanonood ang tubig sa fountain, ito ay nagpapahiwatig na magiging masaya ang love life mo. Liligaya ka sa larangan ng pagibig.

Matapat na sumasaiyo,

Maestra Estrellia de Luna