Kahit ipinasara na ang ABS-CBN… ANNE: 'DI PA ITO ANG KATAPUSAN!

ni Ador V. Saluta - @Adore Me! | July 13, 2020

Ikinalungkot ni Anne Curtis ang pagkaka-deny sa prangkisa ng kanyang home network na ABS-CBN nu'ng July 10 (Friday) sa botong 70-11.

Kasalukuyang nasa Melbourne, Australia si Anne matapos isilang ang kanilang first child ng asawang si Erwan Heussaff, at kahit malayo sa Pilipinas, hindi pinalalampas ng It's Showtime host ang mga kaganapan sa Congress hearing.

From Day 1 ng hearing hanggang sa 12th hearing, tinutukan daw ito ni Anne.

Sa kanyang Instagram account, nagpahayag ng saloobin ang Kapamilya host.

“I am lost for words,” kasunod ang broken heart emoji.

“My heart breaks for everyone that is affected by this.... from our bosses to all the employees and the loyal viewers of ABS-CBN... It is indeed a very sad day,” sabi pa ni Anne.

Ayon kay Anne, hindi malilimutan ng mga Pilipino ang malungkot na araw ng July 10 para sa ABS-CBN.

“I know people won’t forget this... Maraming salamat sa lahat ng sumuporta at nagdasal,” sambit niya sa IG post niya.

Ganunpaman, umaasa pa rin si Anne na hindi rito magtatapos ang laban ng ABS-CBN.

“I stay hopeful that somehow this isn’t the end... A big hug to my Kapamilya Family,” pahayag ni Anne kalakip ang pula, berde at asul na heart emojis na sumisimbolo sa ABS-CBN.