Kagawad sa Maynila, pinagbabaril sa barangay city hall

ni Thea Janica Teh | July 3, 2020

Isang kagawad sa Sampaloc, Maynila ang pinagbabaril noong Huwebes sa loob mismo ng barangay hall ng Barangay 484.

10:30 ng gabi nang magpulong ang limang opisyal ng barangay kasama ang biktimang si

Antonio Calma, Jr. nang mangyari ang pamamaril. Ayon kay Josie Cruz na isa ring kagawad, sinipa ng mga suspek ang nakasarang pinto atsaka nagpaputok ng sunod-sunod.

Bumalik pa umano ang suspek at muling pinaputukan ng apat na beses ang biktima. Hindi bababa sa dalawang suspek ang bumaril sa biktima ayon kay Simaba PCP commander Police Cpt. Kristo John Ramirez.

Dalawang klase ng baril ang ginamit ng suspek dahil sa nakuhang basyo ng kalibre .45 at

9mm.

Sa ngayon ay wala pang nakukuhang testigo dahil wala pang may gustong magsalita mula sa barangay. Samantala, titingnan din ang CCTV sa barangay na maaaring makatulong sa pagkilala sa suspek.

Pinalitan ni Calma sa puwesto si Guia Gomez Castro sa pagiging barangay chairman na

kinilala rin ng pulisya bilang drug queen noong isang taon.