top of page
Search
  • BULGAR

Kabayo, mas madaling susuwertehin ‘pag nakapagrelaks

ni Maestro Honorio Ong - @Forecast | March 1, 2022


Sa pagpapatuloy ng Forecast 2022, tatalakayin naman natin ang pangunahing ugali, katangian at magiging kapalaran ng animal sign na Horse o Kabayo ngayong Year of the Water Tiger.


Kung ikaw ay isinilang noong 1942, 1954, 1966, 1978, 1990, 2002 at 2014, ikaw ay mapabibilang sa animal sign na Horse o Kabayo.


Sinasabing dahil inaakala ng Kabayo na siya ay likas na matalino at mabilis mag-isip, minsan, kahit mali ang kanyang pagpapasya o konklusyon sa isang bagay o proyektong kanyang iniisip, ang akala ng mga nanonood sa kanya ay tama ang kanyang desisyon at pagpapatupad. Dahil bukod sa mabilis mag-isip, agad nasasapo ng kanyang matalas na intuition o kutob ang anumang kamalian o kapalpakan na kanyang nagawa, kaya ito ay agad din niyang naitutuwid o naitatama, kaya akala ng mga nanonood, may kakaibang galing at sobrang matalino talaga ang Kabayo.


Bukod sa palaisip, mahusay din siyang magsalita at mangumbinsi, kaya bagay na bagay sa Kabayo ang propesyon na may kaugnayan sa pagbebenta tulad ng ahente at pagmi-middleman kung saan sa mga gawaing ‘yun siya mas mabilis at saktong yayaman.


Ang problema lamang sa Kabayo, dahil iniisip din niyang mahusay siyang mambola, mangumbinsi at magsalita, kapag hindi niya napapa-oo o napapasang-ayon ang kanyang kausap, mabilis din siyang nagtatampo, nayayamot at naiinis.


At dahil ang Kabayo ay Gemini sa Western Astrology, na may ruling planet na Mercury, tipikal sa Kabayo ang mabilis sa lahat ng bagay; mabilis magsalita, maglakad, kumain, magsulat, mabilis ding nakapag-aasawa, nagtatagumpay at nagiging maligaya, anumang bagay o proyekto ang kanyang pinagkakaabalahan at ginagawa.


Kaya naman sinasabing ang pagiging kampante at regular na pag-e-eherisyo, tulad ng pagyo-yoga, pagme-meditate o anumang ehersisyo na roon niya naitutuon ang kanyang isipan ay bagay na bagay sa Kabayo, upang makapagpahinga naman ang kanyang isip at katawan sa mga bagay na masyado niyang tinutukan o pinagkakaabalahan.


Sa ganu’ng paraan, ‘pag nakakapagpahinga at nakapaglilibang ang Kabayo, malayo sa dati na niyang ginagawa at inaaturga sa buhay, mare-recharge ang kanyang enerhiya at kusa na nitong sasagapin ang mas marami pang suwerte at magagandang kapalarang inilaan sa kanya ng tadhana bago pa siyang isinilang.



Itutuloy


Comments


Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page