Irish minister, nag-resign matapos lumabag sa COVID-19 guidelines

ni Ronalyn Seminiano Reonico | August 22, 2020

Nagbitaw sa puwesto ang agriculture minister ng Ireland matapos itong lumabag sa Covid-19 guidelines nang dumalo sa dinner ng isang golf society.

Kinumpirma ni Prime Minister Micheal Martin ang pagbibitiw sa puwesto ni Dara Calleary at aniya ay tinanggap niya ang naturang resignation nito dahil ito raw ang “right decision.”

Aniya, "People all over the country have made very difficult, personal sacrifices in their family lives and in their businesses to comply with COVID regulations.

"This event should not have gone ahead in the manner it did given the government decision of last Tuesday."

Ayon sa ulat, ang naturang dinner ay para sa 50th anniversary ng Oireachtas (parliament) Golf Society na ipinagdiwang sa County Galway Hotel na dinaluhan ng 82 katao.

Naka-ban sa bansa ang events o parties sa mga hotel restaurants at limitado lamang sa anim na katao ang maaaring kumain sa iisang mesa tuwing kakain.