Insidente sa Lagusnilad, Manila, pinag-uusapan ng mga netizens

ni Ronalyn Seminiano Reonico | July 18, 2020

Pinagkakaguluhan ngayon sa social media ang isang lalaking nakahandusay sa ilalim ng tulay ng Lagusnilad, Manila.

Kalakip ng ilang kuhang larawan, post ng netizen sa Facebook, “Ouch, lalaking driver ng L300 van binaril ngayon lang pong 4:14 PM dito po ‘yaaaaaan mismo sa ilalim ng Lagusnilad.

Ingat po tayo sa biyahe mga kaibigan pagkat nagkainitan daw po sila sa trapik!”

Ngunit post naman ng isa pang netizen, “Banggaan dito sa may Lagusnilad harapan nang Manila City Hall pero ‘yung iba ayon sa kanila ay may nagbarilan... Baka po may nakakaalam sa totoong pangyayari o kakilala n’yo ‘yung patay na nakahilata naka-blue.”

Hindi pa malinaw kung ano ang tunay na dahilan ng insidente at makikita rin sa ilang larawan na mayroon militar na tila iniimbestigahan na ito.