Hinaing ng mga healthworkers, ‘wag balewalain

@Editorial | April 11, 2021

Sasaklolo na ang mga doktor at nurses mula Visayas sa mga ospital sa Metro Manila. Kaugnay nito, makatatanggap umano ng P70, 000 cash incentives ang 50 doktor at nurses na nagboluntaryong magtrabaho nang tatlong buwan laban sa tumataas na kaso ng COVID-19. Bukod pa ito sa buwanang sahod, iba pang cash incentives at buwang supply ng vitamins at wearable air purifier.

Itatalaga ang mga health workers sa mga ospital sa National Kidney Transplant Institute, Jose Reyes Memorial

Medical Center, Lung Center of the Philippines, Rizal Medical Center at Tondo Medical Center.

Sa ganitong sitwasyon wala talaga tayong ibang aasahan kundi ang isa’t isa.

Kasunod ng COVID-19 pandemic, mas nakita natin ang kahalagahan ng mga healthcare workers. Sila talaga ang

pangunahing nagbubuwis ng buhay sa panahong ito. Batay sa tala, umaabot na sa kabuuang 16, 266 ang bilang ng mga healthcare workers na tinamaan ng COVID-19 sa bansa at 83 ang nasawi dahil sa virus infection. Ayon sa Department of Health (DOH), ang mga nurse pa rin ang nangunguna sa kanilang hanay na nagkaka-COVID-19, sinundan ng mga doktor, nursing assistant at medical technologists.

Kasabay nito, nakikita na rin natin ang matinding kakulangan sa mga health workers, kaya nga kinailangan

nang magpasaklolo mula sa mga nagseserbisyo sa ibang lugar.

Sana, habang nilalabanan natin ang pandemic ay nakakagawa na rin ng paraan ang kinauukulan kung paano

mareresolba ang problemang ito.

Pakinggan din sana ang kanilang mga hinaing. Sa pamamagitan nito ay kahit paano, naibabalik din natin ang

pag-aalaga at paglilingkod na kanilang ibinibigay para sa bayan.