Hazing sa PNPA, dapat tuldukan na

by Info @Editorial | April 12, 2026

Hindi dapat umiiral ang hazing sa Philippine National Police Academy (PNPA). Isa itong malinaw na anyo ng karahasan na walang lugar sa isang institusyong humuhubog ng mga tagapagpatupad ng batas.

Ang pagpapahirap sa mga kadete ay hindi “paghahanda” kundi pang-aabuso. Hindi nito pinatitibay ang karakter—sinisira nito ang dignidad ng tao. 

Napatunayan na sa mga nakaraang insidente, na ang hazing ay maaaring magtapos sa trahedya.

May batas na laban dito ngunit kung hindi ito mahigpit na ipatutupad, mananatili lamang itong papel. 

Kailangan ng PNPA ng konkretong aksyon: parusa sa mga lumalabag, proteksyon sa mga magsusumbong, at tuluyang pagbuwag sa kulturang nagtatanggol sa hazing.

Kung ang mga magiging pulis ay nasanay sa karahasan, paano nila igagalang ang batas at karapatan ng mamamayan?